മത്തേഭശൃംഗാരം

              *_📏വിഷ്ണുമായ_*📏

    *🔥19- മത്തേഭശൃംഗാരം*🔥


*ഭാഗം - 8*

         *നീ കലിയുഗനാഥനാണ്. കലിയുഗത്തിൽ ജനങ്ങൾ ഭജിക്കുന്നത് നിന്നെയായിരിക്കും ത്രേതായുഗത്തിലും ദ്വാപരയുഗത്തിലും നിന്റെ സാമീപ്യം വിഷ്ണുവിന് ആവശ്യമായി വരും. ത്രേതായുഗത്തിൽ ശ്രീരാമന്റെ വില്ലായി മാറേണ്ടത് നീയാണ് ദ്വാപരയുഗത്തിൽ കൃഷ്ണന്റെ സുദർശനവും നീയായിരിക്കും. ധർമ്മമെന്നും അധർമ്മമെന്നും നിന്റെ മുന്നിൽ രണ്ടു മാർഗമില്ല. ഇതു രണ്ടും നിനക്ക് ധർമ്മമാക്കും.*

         *പുഴുവാകാനും പുഴയാകാനും പുല്ലാകാനും നിനക്കു കഴിയും. മലയായും നിനക്കുമാറാനാക്കും രോഗിക്ക് നീയൊരു വൈദ്യനാക്കും. അജ്ഞന് ജ്ഞാനമുണ്ടാകും മടിയനേയും മഠയനേയും കർമ്മോത്സുകനാക്കും. ഇന്ദ്രിയങ്ങളെ ഉണർത്താനും തളർത്താനും നിനക്കു കഴിയും.*

            *ചാത്തൻ ജ്യേഷ്ഠന്റെ ഓരോ വാക്കുകൾക്കും കാതോർത്ത അനുസരണയുള്ള അനുജനായിരുന്നു ജ്ഞാനത്തെക്കുറിച്ചും ഭക്തിയെക്കുറിച്ചും കർമ്മത്തെക്കുറിച്ചും രാജയോഗത്തെക്കുറിച്ചുമെല്ലാം ജ്യേഷ്ഠൻ ഒരു ഗുരുവിനെപ്പോലെ അനുജനെ പറഞ്ഞു കേൾപ്പിച്ചു. ഒടുവിൽ ഇത്രയും കുടി പറയാൻ മറന്നില്ല. ഭുമിയിൽ നീ മനുഷ്യർക്ക് സ്വർഗ്ഗമുണ്ടാക്കി നൽകണം സങ്കടങ്ങളോ ദുരിതങ്ങളോ ഇല്ലാത്ത ലോകം.*

              *ജ്യേഷ്ഠൻ പറഞ്ഞെതെല്ലാം അതിന്റേതായ അർത്ഥത്തിൽ വിനയാന്വിതനായി ചാത്തൻ ഉൾക്കൊണ്ടു.*

              *കൂളികുന്നൻ വനത്തിൽ നിലാവ് അസ്തമിച്ചു*

            *അകലെ ചകവാളം മുഖം തുടുത്തു. പുതിയൊരു പുലരിയിലേയ്ക്ക് സൂര്യരഥം ഉരുളാൻ തുടങ്ങുകയായി.*

                                                                       
*ഹരി ഓം*


*ഓം വിഷ്ണുമായേ നമഃ.......🌻🌿🙏🏻*


കടപ്പാട്: ഏറ്റുമാനൂർ ശിവകുമാർ


✍🏻 അജിത്ത് കഴുനാട്
©കണ്ണനും കൂട്ടുകാരും ഗ്രൂപ്പ്